منتدى الشـــــــــــــــباب
اهلا ومرحبا بك زائرنا الكريم نتشرف بك كضيف على منتدانا يسرنا ان تنضم الينا وتسارع بالمشاركة
الرجاء الدخول او التسجيل


اهلا ومرحبا بكم فى منتدى الشــــــــــــــباب
 
الرئيسيةالرئيسية  بوابة الشباببوابة الشباب  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخولدخول  

شاطر | 
 

 السعادة

اذهب الى الأسفل 
كاتب الموضوعرسالة
omar
رئيس المنتدى
رئيس المنتدى


عدد المساهمات : 208
تاريخ التسجيل : 01/10/2009
العمر : 23

مُساهمةموضوع: السعادة   الأربعاء فبراير 10, 2010 3:19 pm


السعادة



فى عوامل كتير بتتحكم فى حياتنا وقدرتنا عالابداع والانتاج واحد اهم العوامل دى هى مشاعرنا وحالتنا النفسية فهتكلم شوية عن الحالة النفسية :-
-عارف ان شعور الاكتئاب بيخلى الاعصاب تفرز مادة كيميائية مش فاكر اسمها بتدمر خلايا الذاكرة وتسبب زهايمر زائد ان التفكير الكتير فى كل حاجة الزايد عن حده بيستهلك من طاقتك الذهنية وبيخليك مش قادر تركز او تعمل اى حاجة ؟!!!

-انت عارف انك لما تحس بالحزن او الاحباط او اى من المشاعر السلبية اللى تليهم بتدى امر لدماغك يفتكر كل حدث حصل فى حياتك سببلك شعور بالحزن او الاحباط او ماشابه وكل اللى انت بتعمله انك بتوصل نفسك لمرحلة اكثر حزنا واحباطا ؟؟!!!

-انت عارف انك لما تحس بالزعل والاحباط بتحد من قدرتك عالتفكير وعالانتاج والابداع وبتبقى اشبه بخيال المآتة ؟؟ّ!!

-على فكرة الحزن والاحباط والمشاعر السلبية دى بجد بتدمر الانسان تماما فلازم نبطلها ونبقى سعداء فى حياتنا

-انك تبقى سعيد فى حياتك ومبسوط وراضى بحالك ده كله بيديك طاقة عجيبة او يمكن مش بيزود طاقة ولا حاجة ولكن انت اللى مش بتستهلك طاقتك فى التفكير الكتير والزعل والاحباط فتحس ان السعادة بتديك طاقة مش هتفرق كتير فى الحالتين هيبقى عندك طاقة اكتر من ذى قبل و تفكيرك بيبقى احسن بكتير لانك ساعتها بتفكر فى الحاجات من منظور ايجابى بتحاول تشوف فين الميزة وتصلح العيوب مش زى لما تكون محبط او متضايق بتحاول تشوف فين العيوب و تدور على الميزة عشان تحاول تثبت ان فيها عيب .

انا كاتب الموضوع اساسا عشان اكتب شوية خطوات ممكن تساعدك تبقى انسان مبسوط وسعيد :-

1- اوعى تقول السعادة يعنى مال او اى ماديات!! زى اللى بيقول ان لما يكون معاه فلوس كتير اوى هيبقى سعيد جدا لكن حدد كلامك . الفلوس هتخليك مرتاح فى حياتك اوى . والحياة المريحة مملة حاول دايما تدفع حياتك خارج منطقة الراحة دى .

2- حافظ على علاقات كويسة مع اصحابك وافراد عيلتك لانه بجد الابحاث والدراسات اللى اتعملت كلها اكدت على اهمية علاقاتك باصحابك وافراد عيلتك ومدى قربك منهم وان مدى جودة العلاقات دى بتحدد مدى سعادتك انت.

3- اعمل خير كتير. ساعد الناس , ساعد اى حد يسالك عود نفسك دايما على عمل الخير و بجد هتحس باحساس جديد عمرك ما حسيتو قبل كدة انك تفك زنقة اخ ليك او تدخل سرور على انسان او تعطف حتى على طفل يتيم.

4- عود نفسك دايما عالابتسامة. اوعى تغيب عن وشك. مجرد انك تبتسم بس حتى لو انت متضايق , ده هيساعدك تغير مودك ويطلعك من جو الضيق والحزن اكيد مش هيبقى فورى التاثير ده بس مش بياخد وقت كتير .

5- السعادة والضحك والحزن حالات معدية. فحاول تشوف انت بتقضى وقت كبير مع مين . واحذر الناس اللى حتى لما بيحصلها حاجة كويسة بيقعدو يدورا فيها لحد ما يطلعوها وحشة فى الاخر.

6- خلى اختياراتك طالعة دايما من شعورك وحدسك مش تحلل اختياراتك كتيرعشان لما عملو تجربة فى ما بين مجموعتين كل واحدة منهم هيختارو صورة لبوستر معين بس سالو مجموعة منهم انهم يحللو اختيارهم ويقرروا بناء على التحليل ده والمجموعة التانية انها تختار بناء على حدسها و كانت النتيجة انهم لقوا الناس اللى فى المجموعة الاولى مش مبسوطين باختيارهم ده رغم انه جه عن طريق تحليل وتدقيق وكان احسن اختيار بس مكانوش مبسوطين ولا راضيين بيه ولكن المجموعة التانية كان افرادها مبسوطين جدا باختيارهم حتى لو كان ممكن يكون عادى او مش هو احسن حاجة بس اختاروه لانهم اختاروه.

7- عايز تخلى سعادتك دائمة ؟؟!! شاركها مع الاخرين و فرح ناس تانى وحاول تساعد الناس وتطلعهم من جو المشاعر السلبية وتحسسهم باهميتهم فى الحياة وبمميزاتهم وتخليهم سعداء.



فى الاخر فى شوية تنبيهات كدة تاخد بالك منها


1- فى حاجة اسمها خط السعادة الاساسى. عارف زى ما كدة لما تبقى واقف فى المية وترمى كورة فى الهوا مهما طال الامر بترجع تانى و لو حطيتها تحت المية مهما كانت المسافة هتطلع تانى المهم فى كلا الحالتين هترسى على خط الفاصل لسطح المية. ده هو هو خط السعادة الاساسى فى ناس عندها الخط ده فى مستوى اعلى من ناس تانى فمهما زعلوا او فرحوا بيرجعولوا تانى فحاول تعلى خط السعادة اللى بترجعله ده وتخلى اعلى من مستواه الحالى ...

2- هو تعبير السعادة الدائمة ده غير دقيق شوية . هو مش نقصد بيها انك تكون مبسوط طول الوقت لكن الناس اللى بتتميز بالسعادة الدائمة دى بتتضايق عادى زيها زيك لما بتحصل مواقف تضايق بس بيرجع للخط بتاعهم اسرع منك بكتير عشان كدة هم بالنسبة ليك ناس سعيدة طول الوقت .

3- متخليش كلام الناس يرجعك عن عزمك . ولا انتقادهم يحبطك او يوقفك عند مستواك الحالى....

4- قرب من ربنا كتييرر بجد احساس تانى وانت قريب من ربنا . بتبقى متطمن كدة ومش بتقدر تضايق من حاجة فلقد قال رسول الله (صلى الله عليه وسلم) : (عجبا لأمر المؤمن إن أمره كله خير وليس ذاك لأحد إلا للمؤمن ، إن أصابته سراء شكر فكان خيرا له وإن أصابته ضراء صبر فكان خيرا له) ومتخليش ما تعلمه عن نفسك يمنعك من انك تلجأ لله او يياسك من رحمة الله لان ده طريق الشيطان عشان يضايقك ويحبطك.









احبك كلمه معناها ان ابيع كل شئ من اجلك
اذا اردت شيئا بشدة فاطلق سراحة فان عاد اليك فهو ملك لك وان لم يعد فانه لم يكن لك من البداية


[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
http://loveme.gid3an.com
الصقر الاحمر
عضو جديد
عضو جديد
avatar

عدد المساهمات : 57
تاريخ التسجيل : 07/02/2010
العمر : 24

مُساهمةموضوع: رد: السعادة   الإثنين فبراير 15, 2010 10:04 am

تصدق انى عمرى محسيت معنى السعادة دى ابدا مشكووووووووووووووووووووور على الموضوع



الرجوع الى أعلى الصفحة اذهب الى الأسفل
http://medora3d.forumotion.com/
 
السعادة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الشـــــــــــــــباب :: § عالقهوة § ::  كافتريا الشباب -
انتقل الى: